Bukas nga gin-abi-abi sang Land Transportation Franchising and Regulatory Board (LTFRB) ang desisyon sang mga transport groups nga tapuson na ang ginplano nga isa ka semana nga transport strike, duha ka adlaw makaligad nga ini ang ginsuguran.
Sa isa ka pahayag, ginpalab-ut ni LTFRB chairperson Teofilo Guadiz III ang kahandaan nga magpungko kaupod ang mga grupo agud talakayon ang mga isyu sa Public Utility Vehicle Modernization Program (PUVMP).
Gindugang sang opisyal nga nagapabilin nga bukas ang talatapan sang LTFRB, sa bulig sang (Department of Transportation (DOTr), agud hinalaan kun paano mapasanyog ang PUVMP kag kun paano makasunod sa programa ang mga drayber kag operator.
TEXT By: Roldan Villareal | March 8, 2023
4.5
5