VICE MAYOR ANDAYA WALA SANG KALAIN NG BUOT KAY MAYOR ESLABON

VICE MAYOR ANDAYA, GINTULDOKAN NA ANG NAGALAPTA NGA ISTORYA NGA MAY KALAIN INI SANG BUOT KAY MAYOR ESLABON

Gintadlong ni Sigma Vice Mayor Christopher Andaya ang nagalagaw nga istorya sa ila banwa nga ginpahayag may kalain ini sang buot sa ila alkalde nga si Mayor Dante Eslabon.

Sa interview sang Bombo Radyo kay Andaya, diretsa sini nga ginsiling nga wala ini sang kamatouran.

Sa pagkamatuod suno diri, siya ang naghinyo kay Eslabon nga magpadalagan sa pagka-alkalde agud piyerdehon ang kasumpong nga si former vice mayor Stephen Alayon.

Ginsiling man ni Andaya nga may utang ini nga kabalaslan kay Eslabon, kag ginpasalig nga indi mag-abot sa punto nga magakontra ini sa iya.

Dugang pa sang bise alkalde nga may sipsip gid lamang nga luyag gub-on ang ila maayo nga pagtamdanay sang iya kapartido nga alkalde, apang ginakadlawan gid lamang nila ini.

Nahibaluan nga nagguwa ang isyu bangud sa ginaalegar masami na nga upod ni Eslabon ang mga independiente nga mga Sangguniang Bayan member.

Text: RMBarnuevo | Bombo Radyo Philippines